تاند (دوشنبه د ثور/ غويي ۱۴مه) افغانستان کې د طالبانو د حکومت ویاند ذبیح الله مجاهد وايي، د دوی د مشرتابه هبة الله په حکم د کابینې په ګډون په ۱۹ لوړ پوړو چارواکو کې تغیر او تبدیل راغلی دی.
مجاهد پر ایکس لیکلي چې، د فاریاب پخوانی والي ملا عبدالاحد فضلي د مخابراتي او معلوماتي ټکنالوژۍ د نوي وزیر، د بادغیس پخوانی والي ملا محمد حنیف د فاریاب د نوي والي، د بغلان پخوانی والي مولوي عبدالرحمن حقاني د خوست د نوي والي، د خوست پخوانی والي مولوي عبدالله مختار د بغلان د نوي والي، د ریاست الوزرا اقتصادي معاونیت پخوانی مشاور ملا محمد ولي جان د بغلان د نوي والي، د پکتیکا پخوانی مرستیال مخدوم عبدالسلام سعادت د ارشاد، حج او اوقافو د اسلامي عرفان او دیني چارو د انسجام د معین په توګه ټاکل شوي دي.
هغه همدارنګه لیکلي چې، د یادو ټاکنو پر اساس د میدان وردګ، بغلان، نیمروز، لوګر، پکتیا، پکتیکا، هلمند، فراه ولایتونو مرستیالان او امنیه قومندانان هم تغیر او تبدیل شوي دي.
هیڅ مالومیت نه کوي، ط ایسته که، بله ط راوله….. نو نه خبر یې ښه خبر دی.
فکرکوم په دې جمله کې کومه اشتباه شوېده :
« د خوست پخوانی والي مولوي عبدالله مختار د بغلان د نوي والي، د ریاست الوزرا اقتصادي معاونیت پخوانی مشاور ملا محمد ولي جان د بغلان د نوي والي .. »
یو وخت ملا برهان الدین رباني هم په یوه ورځ کې په کراچې کې د افغانستان جنرال قونسلي لپاره دوه جنرال قونسلان مقرر کړي وو.
دا د يو هيواد د بنسټونو له بيخه ويستلو او کمزوري کولو پروسه ده، چې د پنجاب په ګټه روان دی.. دا حکومتولي او رهبري ده که د ماشومانو لوبې؟!!
شرم نلرئ!!!