تاند (چهارشنبه د غوئي – ثور ۲مه) دغه ورځ په لومړي ځل په ۱۹۷۰ زیږیز کال کې ونومول شوه.
د ملګرو ملتونو سرمنشي، انتونیو ګوترش د دغې ورځې په مناسبت پر خپل اېکس لیکلي: «د ځمکې ورځ موږ ته دا را یادوي چې د ځمکې خاورینه کره څومره نازکه ده.»
هغه وړاندیز کړی چې د ځمکې د خوندي ساتنې لپاره باید د نوې کېدونکې انرژۍ بدلون ګړندی کړای شي.
ګوترش دغه راز زیاته کړه چې، د طبیعت ساتنه او رغونه دې وشي او له اقلیم بدلون اغېزمنو ته دې رسېدنه وشي.
په دغه ورځ په بېلا بېلو هېوادونو کې په ډله ییزه توګه یا هم د اشر په بڼه د ځمکې د ښه کولو په نیت اقدامات کېږي. ونې کېنول کېږي،له لارو کوڅو خاورې خځلې ټولېږي، خلکو ته د پلاستیکو د نه کارولو په اړه د معلومات ور کول کېږي او خلک هڅول کېږي چې داسې توکي وکاروي چې د بیا کارولو وړتیا ولري.