تاند (یکشنبه، د وري/ حمل ۳۰ مه) د ترانسپورت او هوایي چلند وزارت د هواپېژندنې ادارې نن (یکشنبه) د افغانستان په دوولس ولایتونو کې د بارانونو او ناڅاپي سیلونو د بهیدو اټکل کړی دی.
د دې ریاست د وړاندوینې له مخې به په نورستان، کونړ، ننګرهار، لغمان، کاپیسا، پنجشیر، پروان، بغلان، سمنګان، کندوز او بدخشان کې بارانونه واوري.
د وړاندوینې له مخې په دغو ولایتونو کې د باران کچه له لسو تر شل ملي مترو پورې اټکل شوې ده چې د سیلونو د بهیدو خطر ورسره تړلی دی.
افغانستان په وروستیو کې د پر له پسې ورښتونو او سېلونو شاهد دی. د سېلونو له کبله سلګونه کسان مړه او ژوبل شوي او سلګونه کورونه نړېدلي دي.