تاند (پنج شنبه د وري – حمل ۲۰مه) افغانستان کې د طالبانو د حکومت دفاع وزارت خبر ورکړی، چې د دوی اړوند ۲۰۱ خالد بن ولید قول اردو ۱۳ میله تمانچې، ۱۰ کارټنه پټاقۍ او ۲۰ کلچې تاریاک نیولي دي.
یاد وزارت زیاته کړې، چې دغه وسلې او نشهيي توکي له پاکستان نه د افغانستان ننګرهار ولایت ته راوړل کېدل.
د طالبانو دفاع وزارت خبرپاڼه کې زیاته کړې، چې نیول شوي توکي یې د کشفي او استخباراتي معلوماتو پربنسټ ترلاسه کړي.
طالبانو د یادو توکو په تړاو د کوم چا د نیولو په اړه څه نهدي ویلي.
دا په داسي حال کې ده، چې د طالبانو د ۲۰۵ البدر قول اردو پرون ویلي و د کندهار د سپین بولدک له لارې یې پاکستان ته د درېیو ډرون کمرو، ۲زره مېلیونه ایراني تومانو او ۱۶۹ کیلوګرامه سپینو زرو له قاچاق مخنیوی کړی دی.