تاند (چهارشنبه د وري – حمل ۱۹مه) د قطر د بهرنیو چارو وزارت د ایران لخوا پر دغه هېواد د توغندیو او ډرون بریدونو له امله د اوښتو زیانونو د جبران غوښتنه کړې ده.
یاد هېواد نن چهارشنبه ویلي چې، د زیانونو ارزونه به د اړوندو ادارو لخوا ترسره شي او پایلې به یې ملګرو ملتونو او امنیت شورا ته راپور شي.
قطر ویلي چې، دوی په دې میاشت کې د ملګرو ملتونو سرمنشي انتونیو ګوتریش او د بحرین دایمي استازي او د امنیت شورا دوره ای ولسمشر جمال فارس الروايي ته د ایران لخوا د دوی په خاوره کې د بریدونو په اړه د وروستیو بدلونونو په اړه دوه لیکونه هم لېږلي دي.
قطر دغه راز ویلي چې، د دوی لیک د قطر د دفاع وزارت هغه اعلان ته اشاره کوي چې هېواد یې د ۲۰۲۶ کال د اپرېل کې د ایران د اسلامي جمهوریت لخوا د ډرون او توغندیو بریدونو لخوا په نښه شوی و.
ټاکل شوې ده چې د امریکا او ایران ترمنځ د دوهاوونیز اوربند مذاکرات راتلونکې جمعه په پاکستان کې پیل شي.