تاند (یکشنبه، د کب/ حوت ۱۰ مه) افغان دفاعي ځواکونو پر دیورند کرښه د درنو نښتو په ترڅ کې د پاکستان پوځي اډې نیولې دي.
د افغانستان دفاع وزارت نن (یکشنبه) په یوه خبرپاڼه کې ویلي چې ځواکونو یې پر پاکستاني پوځ په غچ اخیستونکو بریدونو کې څلور پاکستاني پوځي اډې نیولې دي.
د دفاع وزارت ویاند عنایتالله خوارزمي ویلي، په دغو عملیاتو کې ۳۲ پاکستاني سرتېري وژل شوي چې ویل کېږي اکثرو ته د ځمکنیو ماینونو په چاودنو کې مرګ ژوبله اوښتې ده.
د دفاع وزارت ویندوی همداراز ادعا کړې چې د نښتو پر مهال یافغان دفاعي ځواکونو د پاکستان دوه بېپیلوټه الوتکې (ډرونونه) ویشتي دي.
د راپور له مخې، دغه بریدونه په ننګرهار، خوست، کندهار او پکتیا ولایتونو کې ترسره شوي دي. تر اوسه پاکستاني امنیتي چارواکو د دغو ادعاوو په اړه څه نه دي ویلي.
طالبانو دا هم تایید کړې چې پاکستاني الوتکو د شپې لهخوا د کابل پر فضا الوتنې کړې دي. ځايي سرچینو هم د کابل ښار په ځینو سیمو کې د چاودنو او ډزو راپورونه ورکړي دي.
له بلې خوا راپورونه وايي چې د افغانستان بې پېلوټه الوتکو نن شاوخوا یوولس بجې په کوټه کې د پاکستان د پوځ پر قول اردو بریدونه کړي دی. تراوسه د دې بریدونو په نتیجه کې د اوښتو مرګ ژوبلو او تاوانونو په اړه کوم راپور نه دی ترلاسه شوی.