تاند (شنبه د کب – حوت ۹مه) د نړیوالو رسنیو د راپورونو له مخې اسراييل پر تهران هوایي بریدونه پیل کړې دي.
د راپورونو لهمخې د دغو بریدونو له امله د ایران په ځینو ښارونو کې بېړنۍ حالت اعلان شوی دی.
د اسراييل دفاع وزارت هم تایید کړې چې پر ایران یې برید کړی دی.
تر د دې دمه د دغو بریدونو له امله د اوښتو زیانونو په اړه څه نه دي ویل شوي.
دا بریدونه داسې مهال کېږي چې، د امریکا ولسمشر ډونالډ ټرمپ په یوه تازه خبرداري کې ویلي چې، په روانو خبرو اترو کې د ایران د حکومت له دریځ څخه خوښ نه دی او ټینګار یې وکړ، چې د یورانیمو د بډایه کولو هېڅ کچه ان که ۲۰ سلنه هم وي، باید د تهران له لوري ترسره نهشي.
همدارنګه د امریکا د بهرنیو چارو وزیر اعلان وکړ، چې واشنګټن د ایران حکومت د «ناوړه او ناعادلانه نیونو د دولتي ملاتړي» په توګه نومولی دی.
د امریکا ولسمشر د جمعې په ورځ د ټکساس ته د خپل سفر پر مهال وویل، چې له ایران سره د خبرو بهیر ورته د قناعت وړ نه دی او ټینګار یې وکړ، چې تهران باید په ښکاره توګه اعلان وکړي چې د اټومي وسلې د تر لاسه کولو هڅه به نه کوي.