تاند (سې شنبه، د کب/ حوت ۵ مه) د تایلنډ په پلازمېنې بنکاک ښار کې پولیسو د یوه مطلوب تورن د نیولو لپاره یو بېساری او ځانګړی اقدام وکړ، چې په ټولنیزو رسنیو کې په چټکۍ سره وایرال شو.
د چارواکو په وینا، ۳۳ کلن تورن د نوي قمري کال د مېلې پر مهال ونیول شو، په داسې حال کې چې هغه د عامو خلکو په منځ کې ګرځېده.
د رویټرز خبري اژانس د راپور له مخې، پولیسو د پټو استخباراتي معلوماتو له ترلاسه کولو وروسته عملیات پلان کړل. پولیسو د زمري په رنګ سرې او زرینې جامې واغوستې او مېلې ته داخل شول. په خپره شوې ویډیو کې ښکاري چې پولیس د نڅا په حال کې د تورن خوا ته ورنژدې کېږي او ناڅاپه یې پر ځمکه غورځوي او لاسونه یې په ولچکوي.
د چارواکو په وینا، دغه تورن تر دې وړاندې درې ځله د یوه ځایي پولیس قومندان د کور غلا کړې وه او د شاوخوا ۲۰ لکه بات (تایلنډي پیسې) په ارزښت مال یې وړی و. همداراز د ۶۴ زره تایلنډي روپیو په ارزښت د لرغونو بودايي اثارو په غلا تورن وو. سره له دې چې پولیسو څو ځله د هغه د نیولو هڅه کړې وه، خو نوموړی هر ځل له نیول کېدو تښتېدلی و.
د پلټنو په ترڅ کې د غلا شویو شیانو درک ولګول شو او له دې لارې د تورن هویت تثبیت شو. پولیس وایي، غل به ډېری وخت د نونتھابوري سیمې معبدونو ته تګ راتګ کاوه. د تحقیقاتو پر مهال تورن اعتراف وکړ چې هغه به د نشهيي توکو د اخیستو او قمار وهلو لپاره غلاوې کولې.
د پولیسو له لوري په دې نوې طریقه د غله نیولو د خلکو پراخه پاملرنه جلب کړې او د امنیتي تګلارو په اړه یې نوې بحثونه راپورته کړي دي.
Officers from Thailand’s Metropolitan Police Bureau went undercover as a lion dance crew in order to catch a wanted burglar who had managed to evade arrest several times before pic.twitter.com/m7SE820gsG
— Reuters (@Reuters) February 20, 2026