تاند (سېشنبه د سلواغې ـ دلوې ۲۱مه) د اېکس ټولنیزې شبکې (پخواني ټویټر) بنسټګر، ایلن ماسک وایي، د ده شرکت په سپوږمۍ کې د ښار جوړولو هڅې روانې کړې دي.
ماسک زیاتوي چې دا ښار به یو پرځانبسیا ښار وي او په راتلونکو لسو کلونو کې به یې جوړ کړي.
د ماسک په وینا سپوږمۍ ته سفر دوې ورځې وخت نیسي او زیاتوي چې دغه راز مریخ ته بیا د ورتګ موده شپږ میاشتې ده.
اېلن ماسک زیاته کړې چې، په مریخ کې هم د ښار جوړولو پلان لري، چې ښايي له پنځو تر اووهکلونو وخت ونیسي.
د راپورونو له مخې د ایلن ماسک شرکت خپل تمرکز له مریخ څخه سپوږمۍ ته اړولی او هڅه کوي څو راتلونکو لسو کلونو کې په سپوږمۍ کې ښار جوړ کړي.
ایلن ماسک د نړۍ هغه شتمن دی چې د ډونالډ ټرمپ له بیاځلي واک ته رسېدو سره سیاست ته داخل شو، خو د لنډې مودې په تېرېدو سره بېرته خپل شخصي کاروبار او سوداګرۍ ته را واوښت.
فرعون به هم خپل وزیر هامان ته ویل چی ماته یو برج جوړکړه تر څو زه اسمان ته وخیژم او د موسی خدای وګورم الله ج یی د غرقیدو نه وروسته وویل و ننجیک ببدنک چه ستا بدن ته به نجات ورکړم او هغه به د راتلونکو نسلونو لپاره پند وګرځوم لکه چی اوس هم د مصر په موزیم کی مردار پروت دی بله نمونه یی اپسټین دی د دی زمانی د فرعونانو به هم دا حال وی