تاند ( سه شنبه د سلواغې ـ دلوې ۲۱مه) د پاکستان تحریک انصاف ګوند په دغه هېواد کې د پراخو ولسي لاریونونو لپاره مشورتي ناستې پیل کړې دي.
د رسنیو د راپورونو له مخې دا لاریونونه به د «ازادۍ یا مرګ» تر شعار لاندې ترسره شي.
پاکستاني رسنيو راپور ورکړی چې د دغو تیاریو په لړ کې د خیبرپښتونخوا د اعلی وزیر سهیل اپریدی لپاره یو ځانګړی کانټینر هم چمتو شوی دی.
راپور زياتوي چې د کانټینر پر مخ په څرګندو تورو د «ازادۍ یا مرګ» شعار لیکل شوی دی.
اټکل کېږي چې دا ځای به د احتمالي لاریونونو پر مهال د مرکزي سټېج په توګه وکارول شي.
دا چمتووالی په داسې حال کې روان دی چې، پاکستاني پوځ د نا امنۍ له امله وارخطا او د کنټرول لار ورکه کړې ده.