تاند (یکشنبه، د سلواغې/ دلوې ۱۹مه) د کرکټ د نړیوال شل اوره جام سیالیو نن دوهمه ورځ ته.
افغانستان به نن خپله لومړني لوبه له نیوزلنډ سره ترسره کړي.
د دې جام پرونۍ لومړۍ ورځ درې لوبې وشوې، چې په لړ کې یې په سي ګروپ کې ویسټ انډیز له سکاټلنډ سره، او په اې ګروپ کې نیدرلنډ له پاکستان او هند له امریکا سره مخامخ شول.
ویسټ انډیز په ۳۵ منډو سکاټلنډ مات کړ، پاکستان بیا په ۳ منډو نیدرلنډ ته ماته ورکړه خو د هند لوبډلې امریکا ته په (29) منډو ماته ورکړه.
د نن ورځې لومړنۍ لوبه، په خپل ګروپ کې د افغانستان لپاره تر ټولو ننګوونکې سیالي بلل کېږي.
په بله سیالي کې بیا انګلستان له نیپال سره په سي ګروپ کې مخامخ کېږي.
درېیمه سیالي به په بي ګروپ کې د سریلانکا او ایرلنډ ترمنځ وشي.