تاند (سه شنبه د سلواغې ـ دلوې ۷مه) د طالبانو د ټولګټو چارو وزارت وياند محمد اشرف حق شناس وايي د سالنګ لویه لاره نن سې شنبه د جنورۍ په ۲۷مه د ماسپښین په ۰۲:۰۰ بجو بېرته د مسافر وړونکو موټرو پر مخ پرانیستل شوه.
نوموړی زیاتوي؛ دا لویه لاره چې د تېرې اوونۍ د چهارشنبې راهیسې د سختو واورو، طوفانونو او د ترافیکي پېښو د مخنیوي په موخه تړل شوې وه، د تخنیکي پرسونل تر هڅو وروسته بېرته خلاصه شوه.
د حق شناس په وینا؛ مسافر او موټر چلوونکي باید له ځان سره ګرمې جامې، خوراکي توکي او د موټرو لپاره ځنځیر (چین) او کافي روغنیات ولري.
دوی وايي؛ اوسمهال یوازې د مسافر وړونکو وسایطو د تګ اجازه شته.
هغه وایي، د ساتنې او څارنې ریاست کارکوونکي کار کوي ترڅو لاره د بار وړونکو موټرو (باربري) پر مخ هم ډېر ژر پرانیزي.