تاند ( شک شنبه د سلواغې ـ دلوې ۵مه) د طالبانو د رياست الوزرا اداري مرستيال عبدالسلام حنفي پرون شنبه د یو پلاوي په مشري بلخ ولایت ته سفر کړی.
د طالبانو د حکومت مرستیال ویاند حمدالله فطرت وايي، اداري مرستیال بلخ ته د مهاجرینو د مرستو د وېش بهیر پیل کړی دی.
دا مرستې د طالبانو د مشرتابه د لارښوونې پر بنسټ د اړمنو کډوالو وضعیت ته د رسېدنې لپاره وېشل کېږي.
فطرت زیاته کړې، د یادو مرستو بهیر په هر ولایت کې ۲ زره ۲۰۰ اړمنو راستنو شوو کورنیو ته په پام کې نیول شوې ده.
د دغې مرستې له مخې هرې کورنۍ ته ۲۵۰ کیلوگرامه غنم او پنځه زره افغانۍ نغدې مرستې ورکول کیږي.