تاند ( چهارشنبه د سلواغې ـ دلوې لومړۍ) د افغانستان د هواپېژندنې ادارې نن چهارشنبه د هېواد په ۱۹ ولایتونو کې د باران او واورې اټکل کړی دی.
یادې ادارې په یوه خبرپاڼه کې تازه کندهار، پروان، پنجشیر، لوګر، بلخ، فاریاب، سرپل، جوزجان، هرات، بادغیس، هلمند، غور، فراه،غزني، بامیان، دایکندي، زابل، میدان وردګ، بغلان او لوګر ولایتونو کې نن د واورې اټکل اعلان کړی دی.
له خلکو غوښتنه شوې چې، د ځان د ساتنې لپاره لازم تدابیر ونیسي.
دا اټکل داسې مهال اعلانېږي چې، سږکال په هېواد کې د وچکالۍ له امله شکایتونه ډېر دي.
عام خلک وایي د وچکالۍ له امله یې د څښاک د اوبو څاګانې وچې شوې او هیله مندي ښیي چې، ژر به حکومت په دې برخه کې اقدامات جدي کړي.