تاند (شنبه، د مرغومي/ جدې ۲۰ مه) د قزاقستان د رسنیو د راپور له مخې، تېر کال افغانستان ته د قزاقستان د غلو صادرات په څرګند ډول زیات شوي دي او د وړم کال پرتله ۶۳ سلنه زیات شوي دي.
دا معلومات د جمعې په ورځ د دغه هېواد د ملي رېلارې ادارې د شمېرو له مخې خپاره شوي دي.
د قزاقستان د رېللارې د معلوماتو له مخې، دا زیاتوالی د ۲۰۲۵ کال تر پایه ثبت شوی، چې په ۲۰۲۴ کال کې افغانستان ته د صادراتو له کمښت وروسته یو ځل بیا د ښه کېدو نښه ده.
شمېرې ښيي چې د ۲۰۲۵ کال په لومړیو میاشتو کې، له سپتمبر څخه تر ډسمبر پورې، افغانستان ته د غلو صادرات د تېر کال د همدې مودې پرتله ۷۱ سلنه زیات وو.
قزاقي رسنیو ویلي، په مجموع کې د قزاقستاند غلو صادرات ډېر شوي او دا په دې برخه کې د تېرو لسو کلونو تر ټولو ښه وضعیت بلل کېږي، او افغانستان یو ځل بیا د دې هېواد په مهمو بازارونو کې شمېرل شوی دی.
افغانستان په وروستیو کې هڅه کوي چې د اړینو وارداتو سرچینې متنوع کړي، په ځانګړي ډول له منځنۍ اسیا څخه، ځکه له پاکستان سره د سرحدي لارو د تړل کېدو له امله سوداګریزې چارې ګډوډې شوې دي. قزاقستان په سیمه کې د غلو له سترو صادرونکو هېوادونو څخه شمېرل کېږي.