تاند ( شنبه د مرغومي ـ جدي ۶مه) د طالبانو د حکومت د بهرنیو چارو وزیر مولوي امیرخان متقي وايي، د افغانستان او تاجکستان ترمنځ د دغه هیواد په خاوره کي د وروستۍ پېښي په اړه یې د تاجکستان د بهرنیو چارو له وزیر سراج الدین مهر الدین سره خبرې کړي او په دې اړه یې د هر اړخیزي پلټني ډاډ ورکړی دی.
مولوي امیرخان نن “د مرغومي شپږمه” پر افغانستان د شوروي اتحاد د ۴۶مې کالیزې په مناسبت یوې غونډې ته د اندېښنې په څرګندولو سره ویلي چې، ځینې کړۍ هڅه کوي د افغانستان او تاجکستان ترمنځ اړیکي خرابې کړي.
متقي ټینګار وکړ چې دوی به په ګډه د دغه ډول پېښو مخه نیسي.
هغه یو وار بیا پر ګاونډیو هیوادونو او نړیوالو غږ وکړ چې، د افغانستان له خاورې هیڅ چا ته ضرر نشته او له نورو هم ورته تمه لري.
تېره اوونۍ د تاجکستان دولتي خبري اژانس د افغانستان او تاجکستان ترمنځ پر پوله د افغانستان له خوا د ور اوښتو وسله والو کسانو له لوري د تاجکستاني ځواکونو او یادو وسله والو ترمنځ د نښتي خبر ورکړ وو.
په یاده نښته کې درې بریدګر او دوه تاجکستاني عسکر ووژل شول.