تاند ( یکشنبه د لیندۍ ـ قوس ۱۶مه) ملګري ملتونه د را روانې چهارشنبې په ورځ د افغانستان په اړه غونډه کوي.
ملګري ملتونه وايي، دغه غونډه به رواني ډسمبر میاشتي پر ۱۰مه نېټه وکړي.
یاد سازمان په یوه خبرپاڼه کې ویلي چې، په دې غونډه کي به په افغانستان کي د یوناما د ماموریت، د افغانستان.د اوسني وضعیت ارزولو، د نړیوالو هڅو د پیاوړتیا او بشري ستونزو په اړه خبري وشي.
تمه ده په یاده غونډه کې په افغانستان کې د ملګرو ملتونو د مرستندوی دفتر (یوناما) مشره جورجیټ ګانیون او د ملګرو ملتونو د بشري مرستو د همغږۍ د دفتر (O.C.H.A) استازي هم ګډون وکړي.