تاند ( دوشنبه د لیندۍ ـ قوس ۱۰مه) د دولتي شرکتونو لوی ریاست اړوند د لاسي صنایعو د پراختیا دولتي شرکت په همکارۍ کابل کې د صنعت او ملي فرهنګ نړیوال نندارتون پرانیستل شو.
مسوولان وایي دغه درې ورځنی نندارتون د کابل «اسمایي واټ ته څېرمه ماشین خانه» سیمه کې پرانېستل شوی دی.
یاد نندراتون لاسي صنایعو ته د بازار موندنې او کورنیو تولیداتو څخه استفادې ته د خلکو هڅولو په موخه پرانیستل شوی.
یاد شرکت له ټولو ملي سوداګرو، تولیدوونکو او خصوصي پانګه والو هیله کړې چې، د کورنیو لاسي صنایعو محصولاتو د لا ډېر پلور، هڅونې او ترویج په موخه د لاسي صنایعو پراختیا دولتي شرکت ۱۲مې غرفې څخه لیدنه وکړي او د دې لرغوني صنعت په اړه معلومات ترلاسه کړي.
کابل تر دې وړاندې د امام ابوحنیفه نړیوال نندارتون کوربه وو.