تاند (چهارشنبه د لړم ـ عقرب ۲۸مه) افغان الف کرکټ لوبډله نن د ځوانانو اسیاجام په ۱۱مه لوبه کې د هانګ کانګ پر وړاندې لوبېږي.
دا لوبه نن د افغانستان پر وخت د ماسپیښن ۲ بجې او ۳۰ دقیقې پیلېږي.
تر دې وړاندې افغانستان په یادې لوبلړۍ کې له سریلانکا الف لوبډلې لوبه وګټله او د بنګله دېش پر وړاندې یې وبایلله.
دا لوبه د افغان لوبډلې د مخکې تګ لپاره برخلیک ټاکونکې لوبه ده.
افغان لوبډله که له هانکانګ لوبه وګټي او سریلانکا یې پر بنګله دېش وبایلي، نو افغان لوبډله نیمه پایلوبې ووځي خو برعکس که د بنګله دېش پر وړاندې سریلانکا بری خپل کړي نو بیا افغان لوبډله اړ ده چې د رن ریټ په زور نیمه پایلوبې ته لاره ومومي چې، ښایي سخت وي.