تاند (شنبه د لړم ـ عقرب ۱۷مه) د افغانستان د کرکټ ملي لوبډلې لوبډلمشر راشد خان «خان بنسټ» پرانیست، چې موخه یې د بې وزلو افغانانو د روغتیايي خدمتونو پراختیا او بېړنی ملاتړ دی.
د بنسټ د پرانیستې مراسم په هالنډ کې ترسره شول.
په دغو مراسمو کې د ملي لوبډلې لوبغاړي، په ځانګړي ډول ابراهیم ځدران او ګڼو افغان مخکښو څېرو ګډون کړی و.
راشد خان د پرانیستې پر مهال وویل: «زه ډېر خوشبخته یم چې الله داسې مقام راکړی، چې د خپلو خلکو خدمت وکړم.»
هغه زیاته کړه چې د خپلې مور د ناروغۍ پر مهال یې ژمنه کړې وه چې د افغانستان په ځانګړي ډول د ننګرهار د روغتیايي سیسټم د پیاوړتیا لپاره به کار کوي.
د خان په وینا، د بنسټ تمرکز به پر روغتیا، ښوونې او بېړنیو مرستو وي، خو روغتیايي خدمتونو ته به ځانګړې پاملرنه کېږي.
تر دې وړاندې هم د کرکټ ځینو لوبغاړو د خیریه کارونو لپاره بنسټونه پرانیستي دي، چې موخه یې په ځانګړې توګه بې وزلو افغانانو سره مرسته او د هغوی لاسنیوی ښودل شوی دی.
د یوه هیواد وال په توګه وایم: دا به بهتره وی چی څو کسه لوبډلان یو ځالی په خپله پانګه یوه لویه شفاخانه جوړه کړی چی د هر راز امراض تداوی پکی وشی او نور دا بیوزله ولس د پنجاب له محتاجی څخه خلاص شی. داسی به د دوی نومونه په تاریخ کی ثبت شی او کچیری هر یوه د بنسټونو په نوم خپل بازار ته رونق ورکوی بیا نو هغه جدا خبره ده او له هیڅ څخه لږ هم ښه دی بیا یی هم کور آباد ځوی لوی.