تاند (پنجشنبه د لړم ـ عقرب ۱۵مه) د افغانستان د اوسني نظام پلاوي پرون چهارشنبه پاکستاني لوري سره د خبرو د دوام په نیت د ترکیې استانبول ښار ته سفر کړی دی.
د طالبانو د پلاوي مشري دا ځل د استخباراتو عمومي رئیس ملا عبدالحق وثیق په غاړه لري.
د طالبانو د حکومت ویاند ذبیح الله مجاهد وایي، د دوی د حکومت په پلاوي کې دا ځل هم د تېرو خبرو ګډون کوونکي انس حقاني، د کورنیو چارو وزارت مرستیال رحمت الله نجیب، د بهرنیو چارو وزارت لومړی سیاسي رییس عبدالقهار بلخي، د یاد وزارت دویم سیاسي رییس ذاکر جلالي او په قطر کې د افغانستان سفیر سهیل شاهین شامل دي.
ویل کیږي دې خبرو کې د پاکستاني پلاوي مشري د ای اس ای رییس عاصم ملک کوي.
تر دې وړاندې د خبرو لومړی پړاو په دوحه او دوهم پړاو په ترکیه کې ترسره شوی دی.
خو د نظر خاوندان بیا وایي څنګه چې تمه کېده په لومړیو پړاوونو کې دواړه لوري توافق ته نه دي رسېدلي.