تاند (سې شنبه د لړم ـ عقرب ۱۳ مه) د هانګ کانګ شپږ اوریزې سیالۍ د راتلونکې جمعې په ورځ په یاد هېواد کې پیلېږي.
په دغو لوبو کې افغان لوبډله له نیپال او سویلي افریقا لوبډلو سره په لومړي ګروپ کې ځای لري.
افغان لوبډله د یادو سیالیو د مهالوېش له مخې به په لومړي پړاو کې خپلې دواړه سیالۍ د راتلونکې جمعې په ورځ ترسره کړي.
د یادو سیالیو لپاره په افغان لوبډله کې ګلبدین نایب لوبډلمشر، نور الرحمن ویکټ ساتونکی، صدیق الله پاچا، اعجاز احمدزی، فرمان الله ساپی، شرف الدین اشرف او کریم جنت غوره شوي دي.