تاند (چهارشنبه د لړم ـ عقرب ۷مه) نن (چهارشنبه) د کابل پر وخت څلور بجې د افغانستان کرکټ ملي لوبډلې او زمبابوې لوبډلې ترمنځ د ۲۰ اوریزو لوبو لوبلړۍ پیلیږي.
دغه لوبلړۍ داسې مهال پیلیږي چې افغان لوبډلې تېره اونۍ په ټېسټ لوبه کې له زمبابوې ماتې منلې ده.
دغه راز په یوه بل خبر کې د افغانستان د فوټسال له ۱۷ کلنۍ کمعمره لوبډلې د ټایلنډ لوبډلې ته په ماتې ورکولو سره د ۲۰۲۵ د اسیا ځوانانو فوټسال سیالیو «پایلوبې» ته لار پيدا کړه.
دا لوبه تېره شپه د بحرین په کوربهتوب وشوه او د افغانستان لوبډلې د ټایلنډ لوبډلې ته «۹ پر ۱» ماتې ورکړه.
ټاکل شوې چې افغانستان به د روانو سیالیو په وروستۍ لوبه کې راتلونکې پنجشنبې له ایران سره مخامخ شي.