تاند (دوشنبه، د تلې/ میزان ۱۴ مه) د امیرخان متقي په مشرۍ د طالبانو د اسلامي امارت پلاوی د مسکو فارمټ د مشورو په اووم پړاو کې د ګډون لپاره مسکو ته رسېدلی دی.
دا لومړی ځل دی چې د طالبانو د حکومت د باندنیو چارووزیر د مسکو فارمټ په غونډه کې د رسمي غړي په توګه ګډون کوي.
روسیه یوازینی هیواد دی چې د طالبانو حکومت یې په رسمیت پېژندلی دی.
د بهرنيو چارو وزارت ويلي چې د غونډې پر مهال به امير خان متقي د سيمې له هیوادونو سره د افغانستان د اړیکو په اړه د اسلامي امارت دریځ څرګند کړي.
د مسکو فارمټ د مشورو دا اووم پړاو د سئشنبې په ورځ دایریږي.
د غونډې له پيل مخکې، د چين، روسيې، پاکستان او ايران ځانګړو استازو د دوشنبې په ورځ د غونډې د اجنډا او وروستي سند د تيارولو لپاره ناسته درلوده.