تاند (پنجشنبه د تلې ـ میزان ۱۰مه) د طالبانو د حکومت د بهرنیو چارو وزیر مولوي امیرخان متقي راتلونکې اونۍ د مسکو فارمټ اوومه ناسته کې د ګډون لپاره روسیې ته ځي.
د روسیې بهرنیو چارو وزارت ویلي، متقي به یاده ناسته کې د ګډون سربېره د روسیې بهرنیو چارو وزیر سرګئي لاوروف سره هم وګوري.
تر دې وړاندې کابل کې د روسیې سفیر دیمتیري ژیرنوف ویلي و، ټاکل شوې د مسکو فارمټ اوومه ناسته په روانه اکتوبر میاشت کې ترسره شي.
نوموړي زیاته کړې وه، د روسیې فدراسیون په لومړي ځل طالبان د دې فارمټ د رسمي غړي په توګه منلی او راتلونکې ناسته کې د هغوی له فعال شتون هرکلی کوي.