تاند (سه شنبه د وږي ـ سنبلې ۲۵مه) د ملګرو ملتونو امنیت شورا سبا (چهارشنبه، سپټمبر ۱۷) د افغانستان په اړه درې میاشتنۍ غونډه کوي.
افغانستان کې د ملګرو ملتونو سیاسي استازولۍ یا یوناما نن پر خپله اېکس پاڼه لیکلي چې، دغې غونډې ته به د یوناما مشره روزا اتونبایوا د افغانستان وضعیت په اړه خپل وروستی درې میاشتنی راپور هم وړاندې کړي.
افغانستان کې د اوتونبایو ماموریت روانه سپټمبر میاشت پایته رسیږي.
د راپورونو پر بنسټ په پام کې ده چې د امنیت شورا د سبا ورځې غونډه کې د ملګرو ملتونو د بشري حقونو کمیشنر ولکر ترک او د مدني ټولنې یو استازی هم خبرې وکړي.
په افغانستان کې د ملګرو ملتونو سیاسي استازولۍ یا یوناما د دې غونډې د موضوع او اجندا په اړه څه نهدي ویلي.
خو تر دې وړاندې به د یادې شورا ناسته کې تر ډېره افغانستان کې پر بشري وضعیت خبرې کېدلې او د طالبانو له لوري د بشر حقونو دنقض موضوع به پکې سپړل کېده.
هغه څه چې د یوناما او طالبانو ترمنځ به پرې وخت ناوخته ناندرۍ راپورته کېدلې.
ایکاش د ملګروملتونو په سازمان کې د افغانستان قانوني استازی هم وای، چې د افغانستان د خلکو له سیاسي ، اقتصادي او ټولنیزو ستونزواو له بلې خوا د ټالبانو له نارواو به لږ یادونه شوې وه .
دا څلورم کال دی ، افغانستان چې نژدې د دغه سازمان له موسسینو له ډلې دی ، هلته خپل استازی نه لري . د چورواکانو نماینده لکه خلیفه برهان الدین رباني په خپله کونه او څوکۍ حلفي سریښ وهلي اوپه غیر قانوني توګه چې د هېڅ دولتي او قانوني ارګان استازی نه دی ، هلته ناست او شورای نظار ته تبلیغ کوي .