تاند (سه شنبه د وږي ـ سنبلې ۱۱مه) افغان کرېکټ بورډ وایي، د کونړ ولایت د زلزله ځپلو د مرستې او لاسنیوي په موخه د ملي اتلانو ترمنځ یوه خیریه شل اوریزه لوبه ترسره کېږي.
کرېکټ بورډ زیاته کړې، چې دغه سیالي به د جمعې په ورځ د ماسپښین ۲:۳۰ بجې د خوست ولایت په رحمت ولي مسرور کرکټ لوبغالي کې پیل شي.
سرچینه زیاتوي، د ټکټونو او مالي ملاتړو له لارې ټول ترلاسه شوي عواید به په بشپړه توګه د کونړ له زلزله ځپلو هېوادوالو سره شریک شي.
کرېکټ بورډ د کرېکټ له ټولو مینه والو، شتمنو هېوادوالو، سوداګرو او صنعت کارانو غوښتي، چې د خپلو مالي ملاتړو او مرستو په وسیله د خپلو دردمنو هېوادوالو لاسنیوی وکړي.