تاند/ دوشنبه د وږي – سنبلې ۲مه/ د ازادو سیالیو اتل بازمحمد مبارز نن(دوشنبه، د اګسټ ۲۵مه) د لومړي ځل لپاره په تایلینډ کې د مویتای مسلکي سیالۍ کې برخه اخلي.
«بازمحمد مبارز» د نن په مویتای مسلکي سیالۍ کې بحریني لوبغاړي «مصطفی» سره مخامخ کېږي.
دا سیالي به د تایلینډ په پوکیټ کې ترسره شي.
د سیالیو تنظیمونکی سازمان وایي، لوبه به په ۳-۳ دقیقه یي پړاوونو کې په رینګ کې ترسره شي.
د باز محمد مبارز بحریني سیال مصطفی په اصل کې د ایران هېواد دی او د مویتای په برخه کې لوبېږي.
مبارز ویلي، اماماې سازمان د رزمي لوبو ترکیب دی چې پکې مویتای هم مهم رول لوبوي، او هغه پرېکړه کړې چې د خپل رزمي هنر تخنیکي کچه ښه کولو لپاره په مویتای سیالیو کې خپل بخت وازمایي.