تاند『پنجشنبه د زمري ـ اسد ۱۵مه』د پاکستان جنوبي وزیرستان په واڼه سیمه کې د چاودنې له امله یو پاکستانی پولیس وژل شوی او یو بل ټپي شوی دی.
پاکستانۍ رسنۍ وايي، دا چاودنه د پاکستاني پولیسو د ګزمې پر یوه موټر شوې ده.
د پاکستاني رسنیو د راپور له مخې دا چاودنه د واڼه بازار واخوان مارکېټ سیمه کې شوې ده.
رسنۍ وایي د چاودنې له امله ۸ عام کسان هم ټپیان شوي دي.
د راپورونو له مخې ټپیان د سیمې روغتون ته لېږدول شوي.
د یو شمېر ټپیانو روغتیايي حالت نازک ښودل شوی دی.
تر اوسه د دغې چاودنې مسوولیت پاکستان کې د فعالو وسله والو ډلو له منځه چا نه دی منلی.
پاکستان کې وسله وال بریدونه او بمي چاودنې ورځ نه بلې ته په زیاتېدو دي، چې تر دې وړاندې د ډېری بریدونو مسوولیت د پاکستاني طالبانو تحریک يا ټي ټي پي په غاړه اخیستی خو د دې برید په اړه یې لا څه نه دي ویلي.
لطفا په عنوان کې د مړو او زخمیانو مجموعي شمېر یو ځای مه لیکئ. دا د انسان په روح او روان باندې ډېر بد تاثیر کوي. په خپلو لوستونکو باندې رحم وکړئ.