تاند『پنجشنبه د چنګاښ ـ سرطان ۱۲مه』بلغاریايي رسنۍ وايي، چې د شاهدانو او قربانیانو په بللو کې د نیمګړتیا له امله د ۱۸ افغانانو په وژلو د تورنو کسانو محکمه ځنډول شوې ده.
بلغاریا کې محکمې ویلي، چې د اورېدنې راتلونکې نېټه به ژر اعلان کړي.
په دې قضیه کې ۵ بلغاریایي وګړي په ۲۰۲۳ کال کې د ۱۸ افغان کډوالو په وژلو تورن شوي دي
دا پېښه هغه مهال رامنځته شوه، چې د انساني قاچاق یوې ډلې لسګونه افغانان لارۍ کې اچولي وو، چې د اکسیجن نشتوالي له امله یې ۱۸ تنه مړه شول.
دا کسان د انساني قاچاق منظمه «جنایي» ډله بلل شوې ده.
د بلغاریا صوفیا ښار د څارنوالۍ د معلوماتو له مخې، له تورنو کسانو یې دوه خبر وو چې د لارۍ دننه کسان د تنفس اخیستلو له خطر سره مخ دي.