تاند『دوشنبه د چنګاښ ـ سرطان』 د طالبانو د حکومت استازی د طالبانو د مالي خدمتونو په کلنۍ غونډه کي ګډون کوي.
د طالبانو تر کنټرول لاندې افغانستان بانک د رئیس نور احمد اغا په مشرۍ یو پلاوی د اسلامي مالي خدمتونو بورډ (I.F.S.B) په کلنۍ غونډه کې د ګډون په خاطر مراکش ته تللی دی.
دغه بانک پر خپله ویب پاڼه لیکلي چې، یاد پلاوي پرون (یک شنبه) د دغه هیواد رباط ښار ته سفر کړی او د راتلونکي جولای میاشتي په لومړۍ اوونۍ کې به په همدې غونډه کې ګډون وکړي.
سرچینې دغه سفر د افغانستان د بانکي سکټور له پاره مهم بللی دی.
سرچینې زیاته کړې چې، دغه غونډه کې به د اسلامي مالي سکټور، بانکي شفافیت، مالي ثبات او د نړیوالو همکاریو د پراختیا په اړه خبرې وشي.
ټاکل شوې په دغه غونډه کې د ګڼو نورو اسلامي هیوادونو او بانکونو مشران او استازي ګډون وکړي.
دوی به د اسلامي بانکدارۍ د ودې له پاره حل لارې په کې وړاندې کوي.