تاند「یکشنبه د چنګاښ ـ سرطان لومړۍ」د چین په شپږ ورځني نړېوال نندارتون کې د افغانستان کورني تولیدات هم نندارې ته اېښودل شوي.
د معلوماتو له مخې دغې شپږ ورځني نندارتون کې د افغانستان تولیدات په ۸۸ غرفو کې نندارې ته وړاندې شوي دي.
افغان سوداګر وایي، په دغه نندارتون کې د ۵۴ هېوادونو کورني صنایع په ۱۴۰۰ غرفو کې نندارې ته وړاندې شوي دي.
په یاد شمېر غرفو کې ۸۸ غرفې یې افغانستان ته ځانګړې شوې دي.
د افغانستان کورني تولیدات داسې مهال د چین نړېوال نندارتون کې نندارې ته وړاندې کیږي، چې د طالبانو د ریاست الوزراء اداري مرستیال هم چین ته سفر کړی او د یاد هېواد چارواکو سره یې د سوداګریزو او اقتصادي اړیکو پر پراختیا خبرې کړې دي.