تاند (جمعه، د غبرګولي/ جوزا ۲۳ مه) د طالبانو حکومت د اسراییل له لوري د ایران پر خاوره وروستي بریدونه او د دې هېواد د قوماندانانو او اتومي ساینسپوهانو ترور په کلکه محکوموي، او دا د نړیوالو حقونو د بنسټیزو اصولو ښکاره سرغړونه بولي.
د طالبانو د حکومت ویندوی ذبیح الله مجاهد په یوه اعلامیه کې ویلي:
“اسلامي امارت د صهیونیستي رژیم وروستي بریدونه چې د ایران اسلامي جمهوریت پر خاوره ترسره شول او د دې هېواد مهم نظامي او علمي شخصیتونه پکې هدف وګرځېدل، په کلکه غندي. دا ډول بریدونه نه یوازې د نړیوالو اصولو خلاف دي، بلکې د سیمې امنیت ته هم جدي ګواښ پېښوي.”
په اعلامیه کې دا هم راغلي دي چې د دې ډول «پاروونکو» اقداماتو دوام، د سیمې وضعیت نور هم نازک او اندېښمن کړی دی.
په اعلامیه کې وړاندې راغلي: «اسلامي امارت له ټولو ښکېلو اړخونو غواړي چې د خپل مأموریت پر اساس، د سیمې د سولې او ثبات د خوندي کولو لپاره مسوولانه اقدام وکړي او د لا ډېرې بېثباتۍ او ناامنۍ د پراخېدو مخه ونیسي.»
سعودي عربستان، متحده عربي امارات او قېر هم پر ایران د اسراییل بریدونه غندلي داو هغه د ایران د مځکنۍ بشپړتیا سرغړونکي بللي دي.