تاند「جمعه د غبرګولي ـ جوزا ۲۳مه」د پخواني جمهوري حکومت د ملي روغې جوړې د عالي شورا مشر، عبدالله عبدالله، د اسرائیلو له لوري پر ایران ترسره شوي هوایي بریدونه نامشروع بللي او هغه یې په سختو ټکو غندلي دي.
عبدالله په یوه اعلامیه کې د ایران له ولس سره خواخوږي څرګنده کړې ده.
نوموړې د ایران د یو شمېر چارواکو او وګړو د وژل کېدو له امله ایراني ولس ته تسلیت ویلی دی.
هغه له نړیوالو بنسټونو، د اسلامي همکاریو له سازمان او د نړۍ له هېوادونو غوښتي چې د دغو «ښکاره تېریو» پر وړاندې پرېکنده دریځ ونیسي او د دغه رژیم د جنایتکارانه کړنو د بندولو لپاره عملي ګامونه پورته کړي.
تر دې وړاندې سعودي عربستان پر ایران د اسرائیلو بریدونه، چې پکې اټومي تاسیسات، د بالستیک توغندیو فابریکې او پوځي قوماندانان یې په نښه کړي غندلي.
د سعودي د بهرنیو چارو وزارت په یوه اعلامیه کې دا بریدونه د ایران پر وړاندې د اسرائیلو ښکاره یرغل بللی دی.
سعودي ویلي، چې د اسراییلو بریدونه د ایران حاکمیت او امنیت ته زیان رسوي.
د سعودي په اعلامیه کې ویل شوي چې دا کار د نړیوالو قوانینو او معیارونو څخه ښکاره سرغړونه ده.
دا غبرګونونه داسې مهال ښودل کېږي، چې بل لورته د اسرائیلو د پوځ ویاند وايي، چې ایران هم د اسرائیلو په لور له ۱۰۰ څخه زیاتې بې پیلوټه الوتکې توغولي دي.
د هغه په وینا، د اسرائیلو هوايي ځواک د بې پیلوټه الوتکو څارنه کوي او دوی د نورو بریدونو لپاره چمتووالی نیسي، چې کېدای شي توغندي هم پکې شامل وي.
د اسرائیلو پر وړاندې د ایران د غچ اخیستونکي برید په اړه نور جزیات نه دي ورکړل شوي.
ایران هم تر اوسه په رسمي ډول په دې اړه څه نه دي ویلي.
ډاکټر عبدالله عبدالله ته.زه یوازې یو ځواب لرم چې،. آزمـوده را آزمـودن خطاست
د ښاغلي خو هيڅ عکس اعمل په هغو افغاوانو و نه ښود چي د اخوندانو درژيم له خوا په ډار کيږي لکه افغانستان خو چي دد هيڅ خپل وتن نه وي. داسرايلو حق ده چي د ايران انومي بټي له منځه يوسي د اخونداانو رژيم بايد هيڅ د اتومي اسلحي خا ند پد منتقه نښي لکه پاکي. په د هيله چي يو وحت راشي او له پاکي نه هم اتومي اسلحي واخستل شي او او اتومي فابريکي ئي ور وراني کړي.
ايران د اتو مي بمبو خاوند ګيدل د د منتقي بي سباته کول او ګاونډي هيوادونه د ځان ديکتي او امر ته مجبوره ول د بلخو صوص افغانستان.