تاند【جمعه د ثورـ غویي ۱۹مه】د پاکستاني رسنیو د راپورونو له مخې، د خیبر پښتونخوا په جنوبي وزیرستان سیمه کې د پاکستاني پوځیانو پر یوې امنیتي پوستې برید شوی.
په دغه برید کې ۹ پاکستاني پوځیان وژل شوي دي.
راپورونه وايي، چې له برید وروسته یادې پوستې ته د ژغورنې ور روان موټر ته هم کمین نیول شوی دی.
په دغه کمین کې لږ تر لږه ۵ پاکستاني پوځیان ټپیان شوي دي.
تر اوسه د دغه برید مسوولیت کومې وسله والې ډلې نه دی منلی.
خو تر دې وړاندې د ورته اکثرو پېښو مسوولیت تحریک طالبان پاکستان یا ټي ټي پي منلي.