تاند【سه شنبه د ثور ـ غویي ۱۶مه】د سمنګانو ولايت د خلم ولسوالۍ په کفتارخانه سيمه کې نن سهار ۵۸۰ ډوله مسافر وړونکی موټر له سړک څخه اوښتی او چپه شوی دی.
ځایي سرچینې وایي، چې د دې پېښې له امله ۳ تنه مړه او د ښځو او ماشومانو په ګډون په کې ۳۳ تنه نور ژوبل شوي دي.
یاد ولایت کې د طالبانو د امنيه قومندانۍ ویاند حشمتالله رحماني وايي، ټپيان روغتون ته لېږدول شوي دي.
نوموړي د پېښې لامل د موټر چلوونکي بې احتياطي او چټک تګ ښودلی دی.
د یادونې ده چې تېره【شنبه د ثور ـ غویي ۱۳مه】د کابل – کندهار پر لویه لار د میدان وردګو ولایت سیداباد ولسوالۍ لوړۍ سیمه کې د ترافیکي پېښې له امله ۱۷ تنه مړه او ژوبل شوي وو.
په یاده پېښه کې د ۳ ماشومانو او ۲ مېرمنو په ګډون ۷ تنو ژوند بایللی او د پنځو ماشومانو په ګډون ۱۰ تنه نور ژوبل شوي وو.