چهارشنبه، د غويي/ ثور ۱۰ مه) د کډوالو او بېرته راستنېدونکو وزارت د سېشنبې په ورځ څرګنده کړه چې په تېره یوه اوونۍ کې ۸۲۰ افغان بندیان چې په پاکستان کې بندي وو، خوشې شوي او بېرته خپل هېواد ته راستانه شوي دي.
وزارت زیاته کړې چې دا بنديان د کندهار ولایت له سپینبولدک لارې افغانستان ته راستانه شوي دي.
شاوخوا ۷ میلیونه افغان کډوال دا مهال بهر مېشت دي، چې ډېری یې بې اسناده مهاجر دي، او زیاتره یې په ګاونډیو هېوادونو لکه پاکستان او ایران کې اوسي.
په افغانستان کې د طالبانو موقت حکومت بیا بیا له کډوالو غوښتي چې هېواد ته بېرته راستانه شي او د جګړه ځپلي هېواد په بیا رغونه کې ونډه واخلي.