تاند【پنجشنبه د حمل ـ وري ۲۸مه】کابل ته د صادق خان په ملتیا د پاکستاني پلاوي له راتګ یوه ورځ وروسته، اسلام آباد ته د طالبانو د حکومت پت تللي پلاوي کې د کډوالو او راستنېدونکو چارو وزارت مرستیال کلیم الله فاني له افغان کډوالو د پاکستان څلور لسیزې کوربتوب ستایلی دی.
کلیم الله فاني ، چې پاکستان ته د طالبانو د تللي سوداګریز پلاوي غړی دی، پاکستاني لوري سره په ناسته کې ویلي، چې یاد هېواد دې د افغان کډوالو د کوربتوب څلور لسیزې ښه نیت نه خرابوي.
د راپورونو له مخې د طالبانو له واکمنۍ وروسته دا دویم پراخ پړاو دی چې پاکستان د افغان کډوالو د جبري اخراج په موخه د اپرېل په پیل کې شروع کړی دی.
دې ناسته کې د طالبانو د کډوالو وزارت استازو غوښتنه کړې، چې پاکستان دې د کډوالو د ایستلو بهیر منظم، ابرومندانه او د کوربتوب له قوانینو سره سم ترسره کړي.
له دې وړاندې یو شمېر نړیوالو سازمانونو راپور ورکړی و، چې پاکستان افغان کډوال یوازې د تن جامو سره هېواد ته لېږدوي او د کور ټول وسایل یې یا ضبط او یا لوټل کېږي.
باور دا دی، چې پاکستان هېڅکله د افغانانو کوربتوب د ښه نیت له مخې نه دی کړی، بلکې له نړیوالې ټولنې یې د افغان کډوالو په نوم میلیاردونه ډالر مرستې ترلاسه کړي دي.
د طالبانو د حکومت پلاوی داسې مهال د پاکستان د کوربتوب ستاینه کوي، چې پاکستان د اپریل له پیل نه د افغان کډوالو د جبري اخراج لړښ پیل کړې او لسګونه زره کډوال یې افغانستان ته لېږدولي دي.
اسلام اباد ته؛ د طالبانو تللي پلاوي له افغان کډوالو د پاکستان د لسیزو کوربتوب ستایلی
تاند【پنجشنبه د حمل ـ وري ۲۸مه】 اسلام آباد ته د طالبانو د حکومت تللي پلاوي کې د کډوالو او راستنېدونکو چارو وزارت مرستیال کلیم الله فاني له افغان کډوالو د پاکستان څلور لسیزې کوربتوب ستایلی دی.
کلیم الله فاني ، چې پاکستان ته د طالبانو د تللي سوداګریز پلاوي غړی دی، پاکستاني لوري سره په ناسته کې ویلي، چې یاد هېواد دې د افغان کډوالو د کوربتوب څلور لسیزې ښه نیت نه خرابوي.
د راپورونو له مخې د طالبانو له واکمنۍ وروسته دا دویم پراخ پړاو دی چې پاکستان د افغان کډوالو د جبري اخراج په موخه د اپرېل په پیل کې شروع کړی دی.
دې ناسته کې د طالبانو د کډوالو وزارت استازو غوښتنه کړې، چې پاکستان دې د کډوالو د ایستلو بهیر منظم، ابرومندانه او د کوربتوب له قوانینو سره سم ترسره کړي.
له دې وړاندې یو شمېر نړیوالو سازمانونو راپور ورکړی و، چې پاکستان افغان کډوال یوازې د تن جامو سره هېواد ته لېږدوي او د کور ټول وسایل یې یا ضبط او یا لوټل کېږي.
باور دا دی، چې پاکستان هېڅکله د افغانانو کوربتوب د ښه نیت له مخې نه دی کړی، بلکې له نړیوالې ټولنې یې د افغان کډوالو په نوم میلیاردونه ډالر مرستې ترلاسه کړي دي.
د طالبانو د حکومت پلاوی داسې مهال د پاکستان د کوربتوب ستاینه کوي، چې پاکستان د اپریل له پیل نه د افغان کډوالو د جبري اخراج لړښ پیل کړې او لسګونه زره کډوال یې افغانستان ته لېږدولي دي.
سیاستوال به خپل کار کوي، زما د تاند د کار کیفیت ته څه ناڅه اندېښنه ده. تاند یو معیاري وېب سایټ دی چې باید خپل معیار تل پرځای وساتي ځکه ډېر ځوانان د تاند لیکلار تعقیبوي.
په وروستیو څو خبرونو او یو شمېر پخوانیو کې په عنوان کې ځای بې ځایه د سیميکولن کارول حیرانوونکي دي. لطفا دا کار مه کوئ. مننه