تاند【سه شنبه د حمل ـ وري ۲۶مه】د هېواد پخواني ولسمشر حامد کرزي له پاکستانه د افغان کډوالو د جبري اخراج لړۍ پر پیل خواشیني ښودلې.
حامد کرزي له طالبانو غوښتي، چې له هېواده د کډوالۍ عوامل لکه د نجونو پر زده کړو بندیزونه لرې کړي، څو افغانان د هېواد پرېښودو ته اړ نشي.
نوموړي دا چاره هم د اندېښنې وړ بللې، چې د راپورونو پر اساس، پاکستاني پولیس د افغانانو د کور وسایل اخلي او د نړیوالو نورمونو خلاف چلند ورسره کوي.
کرزي پر اړوندو نړیوالو ادارو او ملي سوداګرو غږ کړی، چې له ستنو شویو هېوادوالو سره مرستې وکړي.
ورته مهال د سره صلیب نړیوالې کمېټې او د اسلامیک ریلیف مرستندویه سازمان له لوري د کډوالو پر ناوړه وضعیت اندېښنه ښودل شوې او ټینګار یې کړی چې دا به افغانستان کې بشري ناورین رامنځته کړي.
پاکستان د روانې اپریل میاشتې له پیل نه په جبري ډول د افغان کډوالو د ایستلو لړښ پیل کړې ده.
په تېرو دوو اونیو کې پاکستان د تورخم او سپین بولدک له لارې لسګونه زره افغانان په جبري ډول را ایستلي دي او دا لړۍ لاهم روانه ده.
سلام
اوس هم سر وخت دی چې کرزی خپل ګریوان کې سرکښته کړی او له خدای ج وویریږی دخپلو مرداریو عفوه له همدې بیوزلی ولس وغواړی . دا به دزد ه کړو لپاره یو په زړه پورې پیام وی. ملت هم ددغه غږ انتظار باسی. دجزایرو مشر!