د پاکستان خبري سرچینو خبر ورکړی چې د تحریک طالبان پاکستان (TTP) او د دغه هېواد د امنیتي ځواکونو ترمنځ په نښته کې ۷ پاکستاني سرتېري وژل شوي دي.
د پاکستاني رسنیو د راپور له مخې، دا خونړۍ نښته د خیبر پښتونخوا په “سرکتي ماچان خېل” سیمه کې شوې ده. د دغه هېواد پوځي سرچینې وایي چې په دې جګړه کې ۷ پاکستاني سرتېري وژل شوي دي.
د راپورونو پر بنسټ، بریدګر له سیمې تښتېدلي، او د هغوی د موندلو لپاره د پاکستان امنیتي ځواکونو عملیات پیل کړي دي.
په دې نښته کې د پاکستاني طالبانو ۸ وسلهوال هم وژل شوي دي.
دا نښته داسې مهال شوې، چې د پاکستان پوځ پرون اعلان وکړ، چې په خیبر پښتونخوا کې په یو لړ پوځي عملیاتو کې یې د ټي ټي پي ۱۱ غړي وژلي او لسګونه نور یې ټپیان کړي دي.