تاند【پنجشنبه د کب ـ حوت ۳۰مه】که څه هم د تورخم لار له ۲۷ ورځو تړل کېدو وروسته پرون چهارشنبه مازیګر څلور بجې د ټرانزېټ پر مخ پرانېستل شوه، خو لا هم دا لاره د مسافرو پرمخ تړلې پاتې ده.
پرون ننګرهار کې د طالبانو د ولایت ویاند قاضي ملاعادل وویل چې، دغه لار لومړی د ترانزیت او ناروغانو لپاره پرانیستل شوه.
عادل زیاته کړه چې سبا د جمعې په ورځ به دغه لاره د مسافرو پر مخ هم پرانیستل شي.
د مسافرو پرمخ ۲۸ ورځې کېږي چې دا لاره تړلې او زرګونه افغانان د پاکستان لور ته ایسار دي او افغانستان ته د راتلو په تمه دي.
په مسافرو کې ډېری یې ناروغان دي چې، له سخت وضعیت سره مخ دي.
دا دروازه ۲۸ ورځې وړاندې پاکستاني لوري د افغانستان له لوري د تاسیساتو جوړولو پر سر وتړله.
https://taand.net/?p=252711