تاند【پنجشنبه د کب ـ حوت ۱۶مه】الماني رسنیو راپور ورکړی چې د جرمني حکومت ۱۳۲ نور افغان کډوال هم په یوه چارټر الوتکه کې له اسلام اباد څخه برلین ته ولېږدول.
بیلډ ورځپاڼې (چهارشنبه، د فبروري ۱۵مه) راپور ورکړی چې په دې کسانو کې یو ځايي جرمني کارمند د هغه د کورنۍ پنځه غړي شامل دي او نورو د افغان کډوالو لپاره د نورو جرمني پروګرامونو له لارې داخله ترلاسه کړې ده.
په راپور کې راغلي چې ۲۵ نور افغان کډوال د دوی په اسنادو کې د بې نظمیو له امله له الوتنې څخه پاتې شوي دي.
په راپور کې دا هم ویل شوي د دې کسانو څخه ۷۴ یې د ځانګړي خطر سره مخ افغانانو لپاره د فدرالي داخلې پروګرام له لارې او ۱۴ نور یې د بشري حقونو د نوملړ له لارې جرمني ته لیږدول شوي دي.
د ویلو ده چې دا په تیرو دوو اونیو کې دوهمه الوتکه ده چې افغان کډوال برلین ته رسوي.
د سه شنبې په ورځ، د جرمني رسنیو د اسلام آباد څخه برلین ته د ۱۵۵ سیمهییزو حکومتي همکارانو د لیږد راپور ورکړی و.