تاند【چهارشنبه د کب ـ حوت لومړۍ】افغاني سرې مياشتې ټولنې په کابل کې نن د طالبانو د رسنیو د اطلاعاتو مرکز کې ویلي چې، په تېرو شپږو مياشتو کې یې په کابل، کندهار، ننګرهار، بلخ، هرات او کندز ولايتونو کې ۵ زره او ۳۹۹ رواني ناروغانو ته روغتيايي خدمات وړاندې کړي.
د يادې ټولنې مرستيال عزيزالرحمن ويلي چې د دغو کسانو له ډلې ۱ زر او ۸۹۶ تنه تر درمنلې وروسته روغ خپلو کورنو ته لېږل شوي دي.
د دې ټولنې د مسوولينو په وينا، په تېرو شپږو مياشتو کې د ډنمارک هېواد د سره صليب په همکارۍ په کابل، هرات او ننګرهار ولايتونو کې ۵۰۰ اړمنو کونډو ته د ورځني ژوند اړتيا پوره کولو پروژې هم پلې شوې دي.
د یادې ټولنې د معلوماتو له مخې، په دې لړ کې ۶۲۷ تنه سوالګرو له کورنيو سره ۴ ميليونه ۹۸ زره او ۱۳۲ افغانۍ نغدي مرسته شوې ده.
دغه ټولنه داسې مهال د خپلو شپږو میاشتو راپور له رسنیو سره شریکوي چې، تازه یې پرون سه شنبه