تاند【پنجشنبه د سلواغې ـ دلوې ۱۸مه】د تاجکستان بهرنیو چارو وزارت ویلي، تېره ورځ (چهارشنبه) دغه هېواد کې د افغانستان لپاره د مرکزي اسیا هېوادونو او اروپایي ټولنې د ځانګړو استازو د شپږمې غونډې کوربه و.
دغه وزارت په یوه خبرپاڼه کې ویلي،چې ګډونوالو د تېر کال په فبرورۍ میاشت کې د ځانګړو استازو له ۵مې غونډې راهیسې د افغانستان پر ټولنیز، اقتصادي او سیاسي وضعیت او له افغانستان سره د همکاریو لپاره د مرکزي اسیا او اروپایي ټولنې پر تګلارو خبرې کړې دي.
سرچینه وایي، چې دغه غونډه کې افغانستان کې د بشري حقونو په ځانګړې توګه د ښځو او نجونو پر وضعیت او امنیتي ننګونو خبرې شوې دي.
دا غونډه داسې مهال ترسره کېږي، چې افغانستان کې د بشرحقونه په ځانګړي ډول د ښځو حقونه په تېرو درېیو کلونو کې نه دي ورکړل شوي او دوی له خپل اساسي حق ـ زده کړو ـ څخه هم د طالبانو حکومت منعه کړې دي.