تاند【سه شنبه د سلواغې ـ دلوې ۹مه】پاکستان کې امنیتي ننګونې، چې د چین اقتصادي پروژې ګواښي په اړه یې چین ژوره اندېښنه ښودلې.

ګارډین ورځپاڼې په یوه راپور کې ویلي، چې اسلام اباد کې د چین سیاسي استازي ونګ شنګ د امنیتي دلایلو له کبله یې د پاکستان پر حکومت نیوکه کړې او ویلي یې دي، چې د چین او پاکستان اقتصادي کوریدور (CPEC) چې له ۲۰۱۵ کال راهیسې د شاوخوا ۶۰ میلیارد ډالرو په ارزښت د پلي کېدو په حال کې ده راتلونکی یې له امنیتي ننګونو سره مخ دی.

یاد چینایي چارواکي زیاته کړې، چې که امنیت ښه نه شي څوک به داسې شرایطو کې کار ته چمتو نه شي.

د نوموړي په خبره ، چې ګوادر او بلوچستان کې له چنیایانو کرکه کېږي او غواړي، چې د چین او پاکستان اقتصادي کوریدور خراب کړي.

دا په داسې حال کې ده، چې تر دې وړاندې چین له اسلام اباد غوښتي و که پاکستان کې د چینایي وګړو امنیت نه شي ټینګولی اجازه دې ورکړي، چې چین خپله لاس په کار شي.

دا اندېښنه داسې مهال راپورته کېږي، چې پاکستان کې د امنیتي ننګونو ترڅنګ د چینایي وګړو او انجینرانو وژنې او پرې بریدونه هم زیات شوي دي.