تاند【چهارشنبه د سلواغې ـ دلوې ۳مه】تخار ولایت کې د طالبانو امنیه قوماندانۍ د رسنیو د دفتر سرپرست، محمد اکبر حقاني وايي، په دې ولایت کې نا معلومه وسله والو یو چینایي وګړی وژلی دی.
دا پېښه تېره شپه د دغه ولایت د دشت قلعه په لاره کې شوې ده.
سرچینې زیاته کړې، چې وژل شوی چینایي وګړی، چې «لي» نومېده او د امنیتي چارواکو له خبرولو پرته له خپل ژباړن سره یوه نامعلوم لور ته روان و.
د سرچینې په وینا، په دغه پېښه کې د دغه چینایي ژباړن ته زیان نه دی رسېدلی.
تر اوسه د دې پېښې مسوولیت چا پر غاړه نه دی اخیستی.