تاند(یکشنبه، د مرغومي/ جدي ۳۰ مه) د طالبانو د بهرنیو چارو وزیر، امیرخان متقي، د شنبې په ورځ په کابل کې د سره صلیب او سره میاشت نړیوال فدراسیون د آسیا-پسیفیک سیمې له مشر، الیګزاندر متیو سره په کتنه کې د بشري مرستو د زیاتولو غوښتنه وکړه. دا خبره د طالبانو د بهرنیو چارو وزارت په یوه خبرپاڼه کې کړې ده.
متقي د افغانستان لرې پرتو سیمو ته د مرستو رسولو پر اهمیت ټینګار وکړ او د روغتیایي خدمتونو د پراختیا غوښتنه یې وکړه، په تېره بیا د له هغو ماشومانو سره چې په زړه سوري دي. هغه د IFRC څخه وغوښتل چې د افغانستان په ولایتونو کې د روغتیایي خدماتو او مرستو بنسټونه پیاوړي کړي.
په دې کتنه کې دواړو لورو په افغانستان کې په ځانګړې ډول د هېواد د محدودو روغتیایي منابعو د تمویل او تجهیز په برخه کې د بشري همکارۍ د زیاتولو پر اړتیا ټینګار وکړ.
د IFRC استازي د افغانانو د ملاتړ لپاره د خپلې ژمنتیا ډاډ ورکړ.
د سره صلیب او سره میاشت ټولنو فدراسیون د دې کتنې پهاړه تراوسه څه نه دي ویلي.