تاند ( پنجشنبه د مرغومي ـ جدي ۲۰مه) د متحده عربي اماراتو د رسنیو د راپورونو له مخې؛ دې هېواد ۱۹ کسان او شرکتونه د ترهګرو په نوملړ کې شامل کړي دي.
په راپورونو کې راغلي، چې دغه کسان او شرکتونه له اخوان المسلمین سره د تړاو له کبله د ترهګرو په نوملړ کې راغلي دي.
اخوان المسلمین د یوه اسلامي ګوند نوم دی، چې په ۱۹۲۸ کال کې په مصر کې د حسن البنا پر مشرۍ جوړ شوی دی.
د یادونې ده، چې په دې راپورونو کې د دغو کسانو او اړوند شرکتونو نومونه ندي اخیستل شوي.
یاد ګوند تر دې دمه د متحده عرب اماراتو د دې پرېکړې په غبرګون کې څه نه دي ویلي.