تاند ( پنجشنبه د مرغومي ـ جدي ـ۲۰مه) د بښنې نړیوال سازمان له پاکستانه غوښتي، چې له نړیوالو قوانینو سره سم پر خپلو ژمنو عمل وکړي او ژر تر ژره دې افغان کډوال خوشې کړي.
د یاد سازمان په خبرپاڼه کې د سویلي اسیا لپاره د دغه سازمان د مرستیال په حواله راغلي، چې اسلام اباد کې د پولیسو شپنۍ چاپې، د ماشومانو او ښځو په ګډون د سلګونه افغانانو خپلسرې نیول او ځورول د افغانانو پر وړاندې د پاکستان “توپیري پالیسي” ده.
دغه چارواکي زیاته کړې چې پاکستان په پرلپسې ډول د خپلسرو سیاستونو په پلي کولو سره دغه هېواد کې د افغان کډوالو امنیت ګواښلی دی.
دا په داسې حال کې ده، چې په دې وروستیو کې پاکستان پر افغان کډواله سخت فشارونه وضع کړي او د دوی پر کورونو شپنۍ چاپې وهي او بندیانوي یې.
د پاکستان دا چلند د بشر حقونو نړیوالو سازمانونو غیرعادلانه بللې او له دې امله پاکستاني حکومت تر سختو نیوکو لاندې دی.
د بښنی نړیوال سازمان او همدارنګه ملګری ملتونه او جنګی جرایمو نړیواله محکمه باید دپاکستان د ۴۵ کلن جنګی جرایم وڅیړی چې له افغانانو سره یې کړی