تاند ( پنجشنبه د مرغومي ـ جدي ۲۰مه) د طالبانو د حکومت د ارشاد، حج او وقافو وزارت د راتلونکي کال د حج خدماتو وړاندې کولو تړون د سویلي اسیا یوه عربي شرکت سره لاسلیک کړ.
یاد وزارت ویلي، دغه تړون حج او اوقافو وزارت د باصلاحیته پلاوي او د سعودي عربستان په مکي معظمې ښار کې له سویلي اسیا «ضیوف البیت» شرکت ترمنځ لاسلیک شوی دی.
د دې تړون له مخې قراردادي شرکت مکلف دی، چې د افغان حاجیانو لپاره په مقدسو مشاعرو کې ټول اړین خدمات په ښه کیفیت وړاندې کړي.
د معلوماتو له مخې دغه شرکت په منیٰ، عرفات او مزدلفه کې د خدماتو د وړاندې کولو په برخه کې اوږده مخینه لري.
راتلونکي کال ته د حج په تکل تلونکي افغانان هم هیله لري، چې یاد شرکت به له ژمنې سره سم دوی افغان حاجیانو ته ښه خدمات وړاندې کوي.